छत्तीसगढ़ पुलिस ह जल्दी सुरू करइया हे नवा सुविधा, लोगन मन ह वाट्सएप ले कर सकही सिकायत

रायपुर।  छत्तीसगढ़ (chhattisgarh) के पुलिस ह आम लोगन मन बर एक नवा सुविधा जल्दी सुरू करइया हे। अब वाट्सएप ले घलो लेागन मन ह संगीन मामला के सिक...

यह भी पढ़ें :-

रायपुर। छत्तीसगढ़ (chhattisgarh) के पुलिस ह आम लोगन मन बर एक नवा सुविधा जल्दी सुरू करइया हे। अब वाट्सएप ले घलो लेागन मन ह संगीन मामला के सिकायत कर सकही। ए सिकायत म डीजीपी डीएम अवस्थी के नजर होही अऊ कार्रवाई नई करइया अधिकारी अऊ कर्मचारी मन के खिलाफ एक्शन ले जाही।

एक फरवरी ले ये नवा व्यवस्था ल लागू कर दे जाही। (chhattisgarh) ए व्यवस्था के तहत ओ मामला म त्वरित कार्रवाई हो सकही, जेन म कोनो सती ले स्थानीय पुलिस ह धियान नई देत। डीजीपी अवस्थी ह सोशल मीडिया म लिखे हे कि ह मन जल्दी एक नवा कार्यक्रम के सुरुआत करे ल जावत हन। पुलिस के सिकायत सेल ह समाधान ले वाट्सएप सेवा सुरू करे ल जावत हे।

छत्तीसगढ़ (chhattisgarh) पुलिस के वेबसाइट म समाधान नाव ले एक कैटेगरी हे। एमा लोगन मन ह क्लिक करे के बाद एक डिजिटल फार्म भर के अपन सिकायत ल दर्ज करा सकत रिहिन, एला बन्द नई करे गे हे।