दलपत सागर के सफाई बर खरीदे गे मशीन के अब होही जांच, 7 सदस्य मन के जांच दल बनाईस हे कलेक्टर ह

 जगदलपुर।  जगदलपुर के दलपत सागर म जलकुंभी के सफाई बर नगर निगम के तरफ ले 75 लाख रुपया के खरीदे गे एक्वैटिक वीड हार्वेस्टर मशीन के अब जांच सुर...

यह भी पढ़ें :-

 जगदलपुर। जगदलपुर के दलपत सागर म जलकुंभी के सफाई बर नगर निगम के तरफ ले 75 लाख रुपया के खरीदे गे एक्वैटिक वीड हार्वेस्टर मशीन के अब जांच सुरू होवइया हे। एखर जांच के निर्देश ल कलेक्टर ह दे हे। जेखर बर सात सदस्य मन के जांच दल के टीम बनाए गे हे। जेमा 3 बड़ा अधिकारी समेत भाजपा अऊ कांग्रेस के 2-2 पार्षद घलो सामिल होही।

गठित जांच दल म अपर कलेक्टर अरविंद एक्का, कार्यपालन अभियंता जलसंसाधन करण भण्डारी, कार्यपालन अभियंता लोकनिर्माण विभाग राजेश तिवारी सामिल हे। एखर आलावा महापौर अऊ नेता प्रतिपक्ष के अनुशंसा म कांग्रेस अऊ भाजपा के 2-2 निर्वाचित पार्षद ल जांच दल म सामिल करे ल कहे गे हे। नेता प्रतिपक्ष संजय पाण्डेय ह वरिष्ठ पार्षद योगेंद्र पाण्डे अऊ नरसिंह राव ल जांच दल के सदस्य बनाए हे।

ए विषय म नेता प्रतिपक्ष संजय पाण्डेय ह कहिन कि कलेक्टर के तरफ ल 3 जनवरी के वीड हार्वेस्टर मशीन के जांच बर निर्देश दे गे रिहिन। जेमा संयुक्त जांच दल ल 7 दिवस के भीतर जांच के बाद प्रतिवेदन प्रस्तुत करे ल कहे गे हे। 2 सप्ताह ले जादा के समय बीत चुके हे, जांच के दिशा म अब तक कोनो कदम नई उठाय गे हे।

वो हा कहिन कि दलपत सागर के सफाई के विषय ह जनमानस ले जुड़े हे अऊ वर्तमान म दलपत सागर म चलत सफाई कार्य ह संतोषजनक हे, लेकिन 75 लाख रुपया खर्च कर के खरीदे गे मशीन के भाजपा पार्षद के तरफ ले बताय गे बिंदु म निष्पक्ष जांच आवश्यक हे। एमा जल्दी कार्यवाही होना चाही।